Hiru teoria curricular aurki ditzakegula ikusi dugu, eta hauetan dago oinarrituta:
- Ikuspegi teknikoa: Ikuspegi honetan baliabideak ezinbestekoak dira; baliabideei esker irakasleak hainbat teknika eman ditzakeelako aurrera. Hemen emaitza kontuan hartzen da.
- Ikuspegi praktikoa: Ebaluatzeko moduari dagokio. Aurrekoan ez bezala, hemen prozesua hartzen da kontuan. Irakasleak bere lan egiteko modua ebaluatu eta behar izanez gero aldatu egin beharko du.
- Ikuspegi kritikoa: Momentuko egoera hartzen da kontuan, ikastaldea, ikasle bakoitza... Irakasleak teorian oinarritutako hezkuntza eman behar du, ahaztu gabe ez dagoela egia absoluturik. Horregatik, bere lana hausnarketara eraman behar du.
Honez gain, hiru curriculum mota bereiz ditzakegu:
- Orokorra: Gobernutik zuzenean datorrena da, curriculum maila zabalena da.
- Zehaztutako maila: Curriculum maila honek ikastetxeko proiektuari dagokio. Ikastetxe bakoitzak bere proiektu propioa sortzeko aukera izango du, baina gainetik dekretua dagoela ahaztu gabe.
- Zehatza: Curriculum mailako zehatzena da eta gelako programazioari dagokio. Honen barnean badago beste maila zehatzago bat ere ordea, egokitzapen curricularra. Egokitzapen curricularra ikasleren batek hezkuntza premia bereziak izango balitu kontuan hartu beharko litzatekeena da.
iruzkinik ez:
Argitaratu iruzkina